Frambjóðandi 7462 - tilkynning til ykkar

Ágæti kjósandi,

Mun ekki eyða krónu í auglýsingar við framboð mitt til stjórnlagaþings þrátt fyrir að vera grafískur hönnuður og geta sparað mér mikla peninga við hönnunina.

Auglýsingar segja ekki allan sannleikann um persónurnar. Kannaðu heldur bakgrunn þeirra sem bjóða sig fram og hvort þeim er treystandi. Tel mig vera í þeim hópi sem er treystandi fyrir vinnslu á nýrri stjórnarskrá fyrir alla þjóðina.


Með kærri kveðju Sólveig Dagmar 7462

http://www.mbl.is/mm/frettir/innlent/2010/10/17/vill_aukid_lydraedi/

Núpsstaður LOKAÐUR:-((((

Nú má ekki lengur koma að Núpsstað og ganga um bæjarstæðið - ástæðan er að ekki er veittur ríkisstyrkur í hreinlætismál né nokkurt eftirlit þar í dag. Þess vegna hefur eigandinn sett hlið og bannað aðkomu að staðnum. Skil ég það mjög vel.

 Það er til skammar að ráðherra ferðamála skuli ekki sjá sóma sinn í að halda slíkri náttúruperlu opinni fyrir landsmenn og ferðamenn. Betra að eyða óendanlegum peningum í sendiráð erlendis, ferðalög og veislur fyrir sjálfan sig??? :-(((

Kínverjar eru að koma bakdyramegin inn í auðlindir íslendinga?

Nú eru Kínverjarnir að koma bakdyramegin inn í orkuauðlindir íslendinga. Þeir byrja með að kynna sér málin um orkuframleiðslu okkar og eignast eða yfirtaka svo. Því ættu þeir ekki að gera það.

Við skulum passa okkur vel á þeirri stórþjóð. Skil ekkert þessum ORKUMÁLARÁÐHERRA (iðnaðarráðherra) Katrínu Júlíusdóttur. Henni virðist alveg vera sama um auðlindir og framtíð landsins.

Nú verður Landsdómur sennilega settur saman á Íslandi. Hreyfir mál Liv við ákvarðanatökunni um hann?

Hér á landi virðast núverandi og fyrrverandi ráðherrar vera í guðatölu og ósnertanlegir.

Þrátt fyrir að Rannsóknarskýrslan fræga sýni fram á ótvíræð brot fjölmargra ráðherra og embættismanna, bíðum við enn eftir ákærum. Sjálfstæðisflokkurinn, Framsóknarflokkurinn og Samfylkingin eiga megin sök á því hvernig komið er fyrir fjölmörgum fjölskyldum í landinu. Kosningabærir menn kusu einstaklinga á Alþingi, sem síðan brutu lög gegn þjóð sinni. Landsdómur er því nauðsynlegur til að vinna að sátt í þjóðfélaginu og að raunverulegri lausn.

Því velst oftast fólk í ráðherrastóla sem hefur lítið vit að efnisatriðum sem þau eiga að vinna að í sínu ráðuneyti?

Þarf ekki að hefja undirbúning að Þjóðstjórn og einstaklingsframboðum fyrir næstu Alþingiskosningar?

 Verður Ísland eins og Noregur í ákærum á ráðherra?

Norskur ráðherra sakaður um spillingu

Skella alþingismenn á steinum? Þjóðstjórn og persónukjör takk!!!

Ég er ekki hissa á því hvernig einstaklingar veljast inn á háttvirt Alþingi íslendinga.

Flestir eru ágætir einstaklingar sem breytast eins og árfarvegurinn, hvíslast með flokksforustunni og skella á steinum, breyta síðan um takt og hreyta í hvort annað. Komast svo illa áfram með mikilvæg mál fyrir þjóðina. Þjóðina sem kaus þau.

Greinlega mannskemmandi starf að vinna á Alþingi íslendinga. Þjóðstjórn og persónukjör takk!!!

Og skammastu þín Árni Johnsen

Magma-málið sýnir glöggt dæmi um hve vanhæf ríkisstjórnin er.

Nú er svo komið að ríkisvaldinu er falið að gæta hagsmuna þjóðar sinnar. Nú hafa komið upp raddir um að hún sé ekki að gera það. Iðnaðarráðherra neitar að hafa gert nokkuð rangt í Magma-málinu og neitar einnig spillingu um kynningarátákið Inspired by Iceland. Er þá fólkið sem við kusum til að stjórna eftir lögum að brjóta lög vísvitandi. Er slíkt ekki sakhæft?

Líkt og Björk Guðmundsdóttir bendir á þá er raforkan eitt af mikilvægustu tækjum barna okkar til að ná að lifa góðu lífi á þessu landi í framtíðinni. Því er hér um að ræða gríðarlega hagsmuni fyrir þau og okkur hin einnig. Skiptum því út vanhæfu fólki í næstu kosningum og tökum þátt í mótmælum og bloggi tímalega um mál sem skipta okkur máli. Verum óhrædd um að tjá okkur opinberlega.

Spilling um kynningarátakið Inspired by Iceland. Lokað útboð!!! Einar Karl hló að mér.

Vil kynna mig aðeins fyrst: rek Auglýsingastofu Íslands ehf, er leiðsögumaður til fimmtán ára. Er einnig ökuleiðsögumaður hjá Iceland Excursion. Er með BA í grafískri hönnun frá LHÍ og MA  gráðu frá Háskóla Íslands í hagnýtri menningarmiðlun, það er menntun við að miðla um sögu og menningu Íslands á margvíslegan hátt. Taldi ég þetta nægan grunn til að sækja um að koma að við átakið Inspired by Iceland. Sendi ég því bréf til helstu aðila og ráðuneyta sem stóðu að átakinu og fékk reyndar engin svör nánast. Var hvött áfram samt. Uppgötvaði fljótlega mikla spillingu og að fáir sérútvaldir sætu um kjötkatlana. Aðeins lokað útboð væri og aðeins tvær auglýsingastofur fengju aðgang.

Heilar 300.000.000 milljónir af skattfé okkar fóru á tvær sérvaldar auglýsingastofur skv. orðum Einars Karls Haraldssonar sem stýrði kynningarátakinu. Hann hringdi í mig fimm dögum eftir að ég lagði inn skilaboð til hans. Hann hló að mér þegar ég bað hann um skýringu á því af hverju væri ekki opið útboð fyrir starfandi auglýsingastofur. Einar Karl  bar fyrir sig tímaleysi vegna eldgossins. Lög um útboð segja að ef verðmætið er meira en 20.000.000 kr. þá skal hafa opið útboð um pakkann skv. lögum Evrópusambandsins sem gilda einnig hér á landi í gegnum EES. Ég var einnig í sambandi við Ríkiskaup sem sendu áminningu í tíma á þá aðila sem stóðu að átakinu. Ekkert útboð var sem sagt um 300.000.000 króna auglýsingapakkann.  Rikisvaldið brýtur enn útboðs-og stjórnsýslulög. 

Vinnubrögð XS - Össur Skarphéðins réði stórvin sinn Einar Karl Haraldsson til að stjórna Inspired by Iceland átakinu. Hvað ætli Einar Karl  hafi fengið fyrir þessa frábæru stjórnunarvinnu sína og aðstoð við brot á lögum gagnvart almenningi?

Leiðinlegt að fólk er að flýja land út af smá Kreppu.

Fólkið sér ekki þá fjölmörgu kosti sem við hin sjáum svo glöggt hér á LANDI. Norge/Sverige/Danmark og fleiri lönd eru ekkert betri lönd og þar ríkir einnig spilling og kreppa. Upprætum spillinguna frekar hérna heima smátt og smátt og lifum sátt. Kosningin um helgina sýnir vísi að slíkri upprætingu á spillingu amk. Verum þolinmóð:-)

Ef lífið væri þannig hjá öllum að þeir sæju út úr kófinu í Kreppunni hefði enginn farið erlendis. Nú er það svo að landsflótti hefur átt sér stað áður í sögu Íslands og annarra landa. Slíkt er einfaldlega eðlilegt samkvæmt lögmálinu um útdeilingu lífsgæða og leit að lífshamingjunni. Gangi þér vel í þínu vali.

Saga eldgosa segir: 75% skepna drapst í Móðuharðindunum. Forðum þeim í burt!!!

Það er sorglegt að sjá hve allir eru rólegir yfir skepnunum á gossvæðinu.  Því er ekki sett af stað hjálp til handa bændum við að forða skepnum þeirra í öruggt umhverfi. Amk. 300 km frá Eyjafjallajökli. Nóg er af landrými amk. og minni hætta þar. Munum að tennur skepna þola ekki útiveru núna og flúor eitrar. Setjum af stað björgunaraðgerðir strax.

Að þora að taka þátt í samfélagslegum umbótum: KJÓSUM Í ÖLLUM FLOKKUM!!!

Sundurlyndi misvitra stjórnmálamanna koma þeim sjálfum UM KOLL þó síðar verði. Ráð til að losna við þá, er að skrá sig í alla stjórnmálaflokka og kjósa vitra og heiðarlega í stað hinna. Einnig strika út alla þá stjórnmálamenn sem standa sig ALLS EKKI nú né síðar.

Nýttu atkvæði þitt vel!!!

« Aðstoðarmaður forsætisráðherra deilir á Evu Joly: Ætti að láta aðra um efnahagsmálin Eyjan