au

Færsluflokkur: Menning og listir

Táknræn málverkasýning: "Eyjafjallajökull í dýrð sinni" Samgöngusafninu Skógum.

Sólveig Dagmar Þórisdóttir listamaður og hönnuður hefur opnað tákræna

málverkasýningu um eldfjöll undir nafninu Eyjafjallajökull í dýrð sinni.

Sýningin er í Samgöngusafninu að Skógum undir Eyjafjöllum.

Sýningin er staðsett í Samgöngusafninu aftan við Skógarsafn árið 2012. 

Allir velkomnir. 

 

 

 


Frambjóðandi 7462 - Traust, Heilindi og Heiðarleg Vinnubrögð.

"Það eru til rangar spurningar! Þolinmæði er þörf fyrst, til að vinna réttar spurningar og síðan finna hugmyndir til að ná góðri niðurstöðu. - Við öndum í veiku lýðræði í dag. Mun skila mínu til aukins lýðræðis. Því getið þið treyst" - 7462

 

Með kærri kveðju og von um atkvæði þitt,

Sólveig Dagmar Þórisdóttir


mbl.is Þverrandi traust áhyggjuefni
Tilkynna um óviðeigandi tengingu við frétt

Coventry - eða Ísland? Er eignaréttur virtur á stolnum steindum gluggum?

Heimildamyndin "Saga af stríði og stolnum gersemum", e. Hjálmtý Heiðdal var sýnd á RÚV í kvöld 31. október 2010. Málið um steindu gluggana frá Coventry hef ég þekkt í um fimmtán ár. Sem leiðsögumaður hef ég komið með fjöldann allan af ferðamönnum um Akureyri og sagt m.a. frá steinda glugganum frá Coventry í Englandi. Einnig fleiri gluggum frá Coventry sem eru til í Reykjavík. Sagt frá því hvernig þeir bárust hingað til landsins vegna stríðs og óhamingju í Seinni - heimstyrjöldinni í Englandi. Margt fór í gegnum hugann þegar heimildarmyndinni lauk í kvöld.

Ákvað ég því að setja fram nokkrar spurningar og biðja um svör frá sem flestum:

1. Heimildarmyndin er sannarlega unnin af Akureyringi sem er eðlilega litaður af sínum uppruna og staðhæfir mikið um ágæti Akureyrar og ráðamenn þar. Hvernig yrði efnisumfjöllun ef Breti myndi vinna slíka heimildarmynd um sömu steindu glugga? Hvernig myndi efnisumfjöllun vera ef einstaklingur sem ekki er alinn upp á Akureyri og byggi ekki þar myndi gera heimildarmynd um sama efni?

2. Myndum við skila gluggunum ef þeir hefðu verið í danskri kirkju, segjum í Kaupmannahöfn á stríðsárunum - gluggarnir numdir þaðan á brott og settir í ólöglega sölu og seldir úr landi til Íslands. Settir síðan upp m.a. í Akureyrarkirkju og það af tilviljun einni. Síðan fundnir hér heima og engin bæði um þá í Danmörku?

3. Af hverju skiluðu Danir okkur handritunum? Af hverju skilum við ekki Bretum steindum gluggum sínum fyrst Danir skiluðu handritunum? Hver er munurinn á þessum tveimur eignarréttarmálum?

4. Af hverju söng kór við gluggana í Akureyrarkirkju þegar gestirnir frá Coventry komu inn í kirkjuna? Var kórinn tákn um varnarskjöld um steindu gluggana sem eru stolnir eða var kórinn tákn um upphafningu á eignarhaldi Akureyringa á steindum gluggum sem eru lagalega í eigu Breta skv. því sem Sigurður Líndal lagaprófessor nefndi í myndinni? Eða var kórinn kór Guðs, tákn um guðsblessun eins og höfundur heimildarmyndarinnar vildi gefa í skyn?

5. Getur verið að heimildarmyndin sé unnin núna vegna þess að Bretar eiga í deilum við okkur vegna Icesave sem vissulega veikir vináttu þjóðanna?

6. Alþjóðleg lög um þjóðargersemar og eignarrétt á þeim eru ekki reifuð og rökrædd á nokkurn hátt í heimildarmyndinni. Unesco vinnur eftir slíkum lögum. Er unnið eftir alþjóðlegum lögum þegar metið er hvort skila eigi steindu gluggunum frá Coventry til Englands? Telur þú að Ísland mundi þurfa að leysa þetta mál eftir alþjóðlegum lögum til enda? Er eðlilegt að örfáum kirkjunnar mönnum sé falið vald til að merkja eignarrétt á þjóðargersemum með guðsblessun?

 

Þætti vænt um að fá skýr og rökstudd svör við spurningum mínum.

Með kærri kveðju til ykkar allra.

Sólveig Dagmar Þórisdóttir, MA. hagnýtur menningarmiðlari


Menningarþjóðfélag hrynur án skapandi einstaklinga!

Eina sem dugir í dag er að VIRKJA SKAPANDI EINSTAKLINGA og fá stjórnmálamenn til að hugsa á skapandi hátt fyrir þjóð sína. Látum ekki menningarþjóðfélagið okkar hrynja með valdi peninga og gráðugra einstaklinga.

Við höfum öll hæfileika sem við eigum að virkja og þora að virkja:-)

Sendi hér link á tóna sem voru skapaðir:

http://www.youtube.com/watch?v=WZgP_4GxmPw


Merkileg upplifun við Höfða!

Höfði er tvímælalaust sögufrægasta hús landsins. Ég kom að bruna hússins kl. 17.50 í dag og varð mikið brugðið. Hrópaði upp NEI... NEI.... EKKI ÞETTA HÚS! Fyrr í sumar upplifði ég Valhöll brenna, þegar ég kom þar að með ferðamannahóp um 40 mínútur eftir að eldurinn kviknaði. Húsin okkar eru merkileg og Valhöll var einnig merkilegt hús að mínu mati. Höfði brann og ég staldraði við eins og ég vildi votta húsinu virðinu mína! Mikið var ég ánægð að sjá á þessum rúma klukkutíma sem ég horfði á Höfða brenna, hve slökkviliðsmennirnir okkar börðust hetjulega við hættulega aðstæður fyrir þjóð sína og það með ótrúlega faglegum hætti. 

Eitt upplifði ég þó hvað sterkast við brunann í dag, það að þegar eldstungurnar byrjuðu að loga á fullum krafti úr norðvesturhluta þaksins um kl. 18.45, þurftu nokkrir slökkviliðsmenn að hörfa af því. Þá allt í einu hófst regn eins og hellt væri úr fötu. Það var eins og Guð almáttugur væri þar að verki við að bjarga húsinu. Alveg merkileg upplifun! Síðan liðu um tíu mínútur og greinlegt var að þeir tíu slökkviliðsmenn sem komust aftur á norðvesturenda þaksins gátu unnið mun betur við það regn sem hafði fallið á þakið þá í um tíu mínútur. Þeir náðu loks yfirráðum eldsins! Eru ekki vegir Guðs órannsakanlegir? Það held ég:-)


ICESAVE: Börnin okkar eiga ekki að borga skuldir óreiðumanna!

Ef við eigum að geta búið í þessu landi þá hafna ég því að borga skuldir óreiðumanna. Icesave er reikningur annarra en barnanna okkar. Við sem ekki höfum sólundað og eytt um efni fram viljum heldur ekki borga!

Ef börnin okkar fá ekki góða framtíð í þessu landi og skólakerfið og atvinnuástand versnar til muna, vegna of mikillar skuldabyrgði á fjölskyldurnar,  þá er ég amk. flutt úr landi, þrátt fyrir að elska menningu landsins, tungumálið og fleira hérna heima.

Hef sem sagt ekki vilja til að búa hér lengur ef börnum þjóðarinnar verður ekki veitt björt framtíð eins og við sem eldri erum höfum fengið hingað til.

 


Hverjum er ógnað, heilli þjóð eða einum manni?

Sannarlega ofbýður mér enn og aftur, þegar einstaka menn telja sig yfir aðra hafna. Heilli þjóð er nú ógnað í sínu eigin landi, með ofurvöxtum, auknu atvinnuleysi og skertri heilbrigðisþjónustu. Einnig handónýtri krónu og skuldum sem setja komandi kynslóðir í vanda í áratugi.

 Hverjum er ekki sama þó Geir ráðherra sé hræddur, þegar hann sér ekki kjarnan fyrir spillingunni!


Fleiri álver ekki rétta svarið! Verum skapandi í nýsköpun og uppbyggingu fyrir börnin okkar.

Við skuldum muna að það þarf mjög stórt lán til að byggja fleiri álver. Slíkt lán eigum við ekki að taka m.v. þær lántökur sem nú standa yfir. Þjóðin er einfaldlega of skuldsett.

Könnun Capacent Gallup sýnir vilja fárra í þjóðfélaginu og það á miklum ólgutímum stjórnmála og í byrjun efnahagskreppu. Tel ég að það sé alls ekki lausn í byggingu fleiri álvera núna. Tel reyndar að fleiri auðlindir mætti nýta en orkuna og það nú þegar. Stofna mætti félög um vatnsútfluting, þar sem almenningi er gert kleypt að sýna samstöðu og vilja í verki. Þjóðin hefur vilja og burði til þess. Nýtum þau auðæfi, viljann! Einnig er mikið til af góðu menntafólki sem er tilbúið að spreyta sig.

Miðum að því að vinna að skapandi hugmyndum við atvinnuþróun og nýsköpun í stað þess að taka það sem er fátæklegast,,,, stóriðju og kasta kröftum á einn stað. Stoppum einníg sóun á náttúruauðæfum. Það er framleitt rafmagn sem gefur um 1700 MW í dag á Íslandi og það endist okkur út þessa öld. Bjóðum ekki fleiri áldósaflamleiðendum Ísland á útsölu.


Mikilvægt innlegg frá Boga fyrir þjóðina. Sannur maður á ferð!

Mikilvægi þess að sátt ríki hér á landi er að fá erlenda ótengda sérfræðinga í rannsókn bankanna strax. Ekkert annað getur gengið í lýðræðisþjóðfélagi! Óska þér til hamingju Bogi Smile


mbl.is Bogi Nilsson hættir
Tilkynna um óviðeigandi tengingu við frétt

Frystingu eignanna STRAX, BIRGIR!

Birgir hverra hagur er að byggja upp öryggi og framtíð barnanna? SVAR ÓSKAST BIRGIR! Allir landsmenn vilja börnum sínum vel. Vilt þú það ekki líka Birgir?  Það þýðir ekkert að stinga höfðinu i sandinn og horfa síðan i ranga átt til uppbyggingar með enga peninga í höndunum.  Nú er nauðsyn að grípa inn í og frysta eigur auðmanna sem komu þjóðinni í þetta klandur. Einnig tími til að fá nýtt fólk við stjórn landsins og þá heiðarlegt og víðsýnt fagfólk sem leiðir þjóðina farsæla leið. Til er ég!

Birgir þú setur misbeitingu hryðjuverklaga breta í samhengi við spurninguna fréttamannsins til þín. Hvers vegna? Það er flóttatilraun hjá  þér að gera slíkt. Horfum á lausnina í heildarsamhengi og brúum bilið til framtíðar fyrir börnin okkar. Þau eiga skilið að lifa hér eins og við höfum gert hingað til. Gerum þeim það þá kleipt. 

TIL ÞESS ÞARF FRYSTINGU EIGNA ÚTRÁSARMANNA TAFARLAUST!

Birgir þú átt líka börn sem þurfa að vinna fyrir þessum skuldum.  VILTU ÞAÐ? 


mbl.is Vill ekki frysta eignir auðmanna
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband