Björgvin G. Sigurðsson meiri maður eftir afsögn.

Loksins er komin hreyfing á liðið. Vona að afsagnir haldi áfram inn í alþingis- og embættismannakerfið. Skiptum út fólki sem stjórnar þessu landi.

Sannarlega kominn tími til!

Nýja og heiðarlega stjórn í landinu takk!

Hverjum er ógnað, heilli þjóð eða einum manni?

Sannarlega ofbýður mér enn og aftur, þegar einstaka menn telja sig yfir aðra hafna. Heilli þjóð er nú ógnað í sínu eigin landi, með ofurvöxtum, auknu atvinnuleysi og skertri heilbrigðisþjónustu. Einnig handónýtri krónu og skuldum sem setja komandi kynslóðir í vanda í áratugi.

 Hverjum er ekki sama þó Geir ráðherra sé hræddur, þegar hann sér ekki kjarnan fyrir spillingunni!

Fleiri álver ekki rétta svarið! Verum skapandi í nýsköpun og uppbyggingu fyrir börnin okkar.

Við skuldum muna að það þarf mjög stórt lán til að byggja fleiri álver. Slíkt lán eigum við ekki að taka m.v. þær lántökur sem nú standa yfir. Þjóðin er einfaldlega of skuldsett.

Könnun Capacent Gallup sýnir vilja fárra í þjóðfélaginu og það á miklum ólgutímum stjórnmála og í byrjun efnahagskreppu. Tel ég að það sé alls ekki lausn í byggingu fleiri álvera núna. Tel reyndar að fleiri auðlindir mætti nýta en orkuna og það nú þegar. Stofna mætti félög um vatnsútfluting, þar sem almenningi er gert kleypt að sýna samstöðu og vilja í verki. Þjóðin hefur vilja og burði til þess. Nýtum þau auðæfi, viljann! Einnig er mikið til af góðu menntafólki sem er tilbúið að spreyta sig.

Miðum að því að vinna að skapandi hugmyndum við atvinnuþróun og nýsköpun í stað þess að taka það sem er fátæklegast,,,, stóriðju og kasta kröftum á einn stað. Stoppum einníg sóun á náttúruauðæfum. Það er framleitt rafmagn sem gefur um 1700 MW í dag á Íslandi og það endist okkur út þessa öld. Bjóðum ekki fleiri áldósaflamleiðendum Ísland á útsölu.

Mikilvægt innlegg frá Boga fyrir þjóðina. Sannur maður á ferð!

Mikilvægi þess að sátt ríki hér á landi er að fá erlenda ótengda sérfræðinga í rannsókn bankanna strax. Ekkert annað getur gengið í lýðræðisþjóðfélagi! Óska þér til hamingju Bogi

Bogi Nilsson hættir

Tímabært að greiða inn í þjóðgarða Íslands.

Ég hef unnið sem leiðsögumaður í fjórtán ár og hef ávallt verið á móti því að greitt sé fyrir að koma inn á merkustu ferðamannastaði Íslands. Ég sé samt ekki betur en það sé tímabært að greiða fyrir slíkt eins að staða er í efnahagsmálum þjóðarinnar í dag.

Þjóðgarðurinn Þingvellir (friðlýstur 1930), þjóðgarðurinn Skaftafell (1966), Þjóðgarðurinn Jökulsárgljúfur (1973) og Þjóðgarðurinn Snæfellsjökull (2001) hafa slíkt aðdráttarafl að myndi ekki veigra fyrir sér að greiða gjald fyrir að koma þangað og njóta útivistar.

Vitað er að hundruð þúsunda einstaklinga koma inn í þessa Þjóðgarða ár hvert án þess að greiða krónu (etv. gjald fyrir tjaldið sitt). Mikil tekjulind er því möguleg þarna og vissulega kominn tími til að greiða ca. 1.200 kr. fyrir að njóta útivistar í þeim.

 

 

 

 

Frystingu eignanna STRAX, BIRGIR!

Birgir hverra hagur er að byggja upp öryggi og framtíð barnanna? SVAR ÓSKAST BIRGIR! Allir landsmenn vilja börnum sínum vel. Vilt þú það ekki líka Birgir?  Það þýðir ekkert að stinga höfðinu i sandinn og horfa síðan i ranga átt til uppbyggingar með enga peninga í höndunum.  Nú er nauðsyn að grípa inn í og frysta eigur auðmanna sem komu þjóðinni í þetta klandur. Einnig tími til að fá nýtt fólk við stjórn landsins og þá heiðarlegt og víðsýnt fagfólk sem leiðir þjóðina farsæla leið. Til er ég!

Birgir þú setur misbeitingu hryðjuverklaga breta í samhengi við spurninguna fréttamannsins til þín. Hvers vegna? Það er flóttatilraun hjá  þér að gera slíkt. Horfum á lausnina í heildarsamhengi og brúum bilið til framtíðar fyrir börnin okkar. Þau eiga skilið að lifa hér eins og við höfum gert hingað til. Gerum þeim það þá kleipt. 

TIL ÞESS ÞARF FRYSTINGU EIGNA ÚTRÁSARMANNA TAFARLAUST!

Birgir þú átt líka börn sem þurfa að vinna fyrir þessum skuldum.  VILTU ÞAÐ? 

Vill ekki frysta eignir auðmanna

Mikið er ég sammála þér Ögmundur

Hver hefur gefið ríkisstjórninni leyfi til þess að skuldbinda börnin okkar! Að hugsa til þess að barnabörn og barnabarnabörn okkar verði enn að borga reikninginn vegna þessara fjárglæframanna sem sigla um á einkasnekkjum og fljúga um á einkaþotum er óþolandi. Vonandi verða eignir þeirra kyrrsettar að fullu. 

Ég er nú ekki beint femínisti, en ég gæti samt alveg hugsað mér að sjá mun fleiri HEIÐARLEGAR konur við stjórn þessa lands í framtíðinni. Treysti ekki þessum blessuðu snillinum lengur.

Rangt að skuldbinda ófædd börn

Fagfólk í ráðherrastóla.

Gott að ráðherrar vinna nú með hagfræðing sér við hlið. Þeim er vonandi treystandi að standa vörð framtíð okkar í landinu. Allt of margir sem vilja flytja af landi brott ef ekki finnst farsæl lausn á þjóðmálunum í dag.  Vonum það besta!

Ráðherrar funda á ný

Afturhvarf til náttúrunnar - lífsgæði

Mikið er nú rætt um efnahagsmálin þessa dagana. Best að lesa lágmark af fréttum og láta sér líða vel í kreppunni. Alltaf fæðist eitthvað nýtt og spennandi á slíkum tímum. Einnig erum við minnt á að afturhvarf til náttúrunnar er sennilega einfaldasta og besta leiðin til að öðlast lífsgæði. Voru ekki forfeðurnir í slíku samfélagi og voru sennilega ánægðari með sitt en margir í dag. Velmegun getur aldrei verið besta leiðin til farsældar í lífinu.

Það verður einnig spennandi að vinna með listina og menninguna á komandi vikum og mánuðum. 

Berjaferð á Þingvelli

Haustið er komið. Rigningin í höfuðborginni stoppaði ekki berjaferð á Þingvelli og í Hvalfjörðinn.

Þessi dagur var yndislegur.