Merkileg upplifun við Höfða!

Höfði er tvímælalaust sögufrægasta hús landsins. Ég kom að bruna hússins kl. 17.50 í dag og varð mikið brugðið. Hrópaði upp NEI... NEI.... EKKI ÞETTA HÚS! Fyrr í sumar upplifði ég Valhöll brenna, þegar ég kom þar að með ferðamannahóp um 40 mínútur eftir að eldurinn kviknaði. Húsin okkar eru merkileg og Valhöll var einnig merkilegt hús að mínu mati. Höfði brann og ég staldraði við eins og ég vildi votta húsinu virðinu mína! Mikið var ég ánægð að sjá á þessum rúma klukkutíma sem ég horfði á Höfða brenna, hve slökkviliðsmennirnir okkar börðust hetjulega við hættulega aðstæður fyrir þjóð sína og það með ótrúlega faglegum hætti. 

Eitt upplifði ég þó hvað sterkast við brunann í dag, það að þegar eldstungurnar byrjuðu að loga á fullum krafti úr norðvesturhluta þaksins um kl. 18.45, þurftu nokkrir slökkviliðsmenn að hörfa af því. Þá allt í einu hófst regn eins og hellt væri úr fötu. Það var eins og Guð almáttugur væri þar að verki við að bjarga húsinu. Alveg merkileg upplifun! Síðan liðu um tíu mínútur og greinlegt var að þeir tíu slökkviliðsmenn sem komust aftur á norðvesturenda þaksins gátu unnið mun betur við það regn sem hafði fallið á þakið þá í um tíu mínútur. Þeir náðu loks yfirráðum eldsins! Eru ekki vegir Guðs órannsakanlegir? Það held ég:-)

Athugasemdir

[Sigurður Þórðarson, 25.9.2009 kl. 21:45]

Kæra Sólveig, Höfði er okkur öllum kær og mikil guðsmildi að veðurguðirnir skyldu bregða skjótt við.

[Gísli Bergsveinn Ívarsson, 26.9.2009 kl. 11:08]

Maður trúir því sem maður vill.  Þetta er ekkert of galið.

[Þórhallur Heimisson (IP-tala skráð) 26.9.2009 kl. 12:36]

Merkilegt - þetta er eins og talað út úr mínu lífsmottói "Treystum Guði - og látum púðrið ekki vökna"

[Gísli Baldvinsson (IP-tala skráð) 26.9.2009 kl. 12:55]

Magnað. 18.45 er með þversummur 9+9= 18, og þversumma þess er 9!

[Ragnhildur H. (IP-tala skráð) 26.9.2009 kl. 15:27]

Má eg bæta aðeins við með ykkur ? eg er svo truuð á allt svona , kanski af vissum  ástæðum , En tölurnar 10 og 9  takna upphaf og endir samkv minum kokkabókum  . Eldsvoðarnir i Valhöll og nuna Höfða finnst mer táknrænir um að eyða þvi gamla og reisa það nyja  , en vissulega ekki i þeirri merkingu að henda þvi gamla þvi það er arfur kynslóða , en öll framvinda verður AF arfleifð eldri tima , ekki satt ?  Heldur sleppa þvi sem farið er, en byggja nyja syn á arfleifð , þekingar og visku eldri tima  Eldur táknar lika átök og deilur , sem við horfumst i augu við nuna á Islandi og rigningin er grátur Guðs yfir þvi að það skuli eiga ser stað ,  Og hann vill að við slökkvum þá elda og förum að skynja önnur og meiri verðmæti en peninga og völd  , sem erum við sjálf i hans mynd og það sem hann bauð okkur að vera ,.þjona og starfa i hans nafni

hafið goða og blessaða daga , takk fyrir mig