Á móti eyðslu í göng þarna. SV-hornið á núna að ganga fyrir.

Á móti eyðslu í göng þarna. Suðvesturhorn landsins á að ganga fyrir og peningum til vegaframkvæmda er betur varið þar. 70% allra alvarlegra umferðarslysa á sér stað á suðvesturhorninu!!! Þar búa einnig 65% af landsmönnum.

Steingrímur J. Sigfússon það er ótímabært að fara í þessar framkvæmdir núna. Stöðvum frekar fyrirhugaða vegaskatta út úr Reykjavík og aukum framkvæmdir á SV-horninu fyrir 10 milljarða króna.

Veggjaldið verður hóflegt

Athugasemdir

[Eiður Ragnarsson, 9.3.2011 kl. 15:17]

Sólveig.. það er ágætt að vera á móti þessu í sjálfu sér, og þá skoðun mátt þú eiga í friði mín vegna, en það eru einnig hættulegir vegir úti á landi, og vetrareinangrun er ennþá til staðar, fyrir utan það að sumir vegkaflar eru ekki hótinu betri en þeir voru fyrir 40 árum..

Er ekki kominn tími á þá?? Ég bara spyr..

Ef við rýnum í tölfræðina þá eru hættulegir vegir ekki síður á landsbyggðinni, og fjöldi slysa á ekna kílómetra, (sem er viðurkennt viðmið í samgöngufræðunum) oft mun meiri en á suðvesturhorninu.

Bara til samanburðar, þá væru nágrannar okkar ekki byrjaðir að nefna tvöföldun vega með sama umferðarþunga og Suðurlandsvegur hefur, það þyrfti að koma til umtalsverð umferðaraukning áður en það yrði einu sinni hugsað eitthvað smávegis..

Við höfum bent á það að t.d. hér í Fjarðabyggð vanti í það minnsta ein göng til að tengja Norfjörð við restina af austurlandinu, og þar með fjórðungssjúkrahús, og verkmenntaskóla, en því verið frestað trekk í trekk vegna meints fjárskorts.. En á sama tím akemur 25% af útlfutningstekjum þjóðarinnar frá Fjarðabyggð þannig að ekki er nóg að miða bara við hausafjölda...

Margt ber að skoða í þessu, en við eigum að taka tilfinngarnar út og nota tölfræðina, og þar inní kæmi auðvitað fjöldi alvarlegra slysa einnig.

Vandamálið með samgöngubætur er nefnilega þess eðlis að allir vilja fá sitt strax í dag.. Engin er tilbúinn að bíða eða hliðra og allir nota orðræðuna "mér finnst" og " ég tel" án þess að nota fagleg rök

En það er lítið mál að styðja allar ákvarðanir um vegabætur með tölf´æðinni ef að pólitískur vilji væri til þess.

Við myndum nota: öryggi, einangrun, stytting vegalengda, umferðarþunga, möguleika á öðrum leiðum og fleiru mætti bæta við í þessa jöfnu.  Vegurinn yrði síðan metin með þessu móteli, og út kæmi stuðull sem raðaði viðkomandi vegkafla í forgangsröðun... Einfalt faglegt og færi vel með peninginn...

[Jón Ingi Cæsarsson, 9.3.2011 kl. 18:25]

Vaðlaheiðargöng eru fjármögnuð í einkaframkvæmd og ekkert kemur úr ríkissjóði...um það er full sátt hér en ekki á Suðurlandi. Skipulagsmálin hafa líka verið unnin til enda en þar hafa menn ekki náð sátt í SV horninu og deila út í eitt um mál.

Þess vegna eru Vaðlaheiðargöng komin á dagskrá en ekki sumt á SV horninu.

[Sólveig Dagmar Þórisdóttir (IP-tala skráð) 9.3.2011 kl. 19:01]

http://www.us.is/Apps/WebObjects/US.woa/swdocument/1003200/Umfer%C3%B0arslys+%C3%A1+%C3%8Dslandi+2009.pdf

Skoðið meðfylgjandi skýrslu Umferðarstofu, til að sjá hvar á að leggja áherslu á meira öryggi og meiri uppbyggingu í vegaframkvæmdum. Það skiptir mestu máli að skoða fjölda lífa sem tapast í umferðarslysi og hvar þau slys verða. Göng eru ekki það sem við ættum að skoða núna í þessu árferði. Annað skiptir miklu meira máli t.d. eins og það að koma í veg fyrir fleiri dauðaslys á stöðum sem eru algerar slysagildrur m.a. á suðvesturhorninu.